༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལ་དྭགས་ལྡུམ་ར་མི་མང་ཕོ་བྲང་དུ་ཕྱི་ལོ་ ༢༠༡༧ ཟླ་ ༧ ཚེས་ ༡༣ ཉིན་དོལ་རྒྱལ་སྐོར་གསུངས་པའི་བཀའ་སློབ།

ཕྱི་ལོ་ ༢༠༡༧ ཟླ་ ༧ ཚེས་ ༡༣ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལྡུམ་ར་མི་མང་ཕོ་བྲང་དུ་རྒྱལ་སྲས་ཐོགས་མེད་བཟང་པོས་མཛད་པའི་ལག་ལེན་སོ་བདུན་མ་དང་། སྙིང་པོའི་དོན་གསུམ་གྱི་དམིགས་རིམ་དགའ་ལྡན་དུ་བགྲོད་པའི་ཐེམ་སྐས་བཅས་ཀྱི་བཀའ་ཆོས་དང་ཚེ་དབང་བཅས་སྩལ་སྐབས་སུ། “ཡུལ་པོ་ཚོས་ཡུལ་ལྷ་གཞི་བདག རྒྱལ་པོ་དང་གཙན། ཀླུ་དེ་དག་ལས་ཕྲན་ཚེགས་སྒྲུབ་རྒྱུར་ཕན་ཐོགས་ཕྲན་བུ་ཡོང་གི་ཡོད། དེ་དག་སྐྱབས་གནས་སུ་བཅོལ་ན་མ་འགྲིག་པ་རེད། ཡུལ་ལྷ་གཞི་བདག་དེ་དག་ལ་མཆོད་པ་བྱེད་ཀྱི་ཡོད་རེད། མཆོད་པ་བྱས་པ་ཙམ་ལ་སྐྱོན་གང་ཡང་མེད། འོན་ཀྱང་ཡུལ་ལྷ་གཞི་བདག་དེ་དག་སྐྱབས་གནས་དང་རྩ་ཆེན་པོ་རྩི་ནས་སྐྱབས་ཡུལ་མཐར་ཐུག་བརྩིས་ནས་ཕྱིན་པ་ཡིན་ན་ནོར་འཁྲུལ་རེད། སངས་རྒྱས་པའི་སྐྱབས་འགྲོ་བསླབ་བྱ་དང་འགལ་གི་ཡོད། དེ་ལས་འཕྲོས་ཏེ་དཔེར་ན་རྒྱལ་པོ་སྐུ་ལྔ་ཆ་བཞག་ན། འཇིག་རྟེན་པའི་དྲེགས་པ་རེད་མ་གཏོགས་འཇིག་རྟེན་ལས་འདས་པའི་སྐྱབས་གནས་ཆགས་མེད། བླ་མ་མཆོད་པའི་ཚོགས་ཤིང་ནང་དེ་ཚོའི་གྲས་བཞག་མེད། འཇིག་རྟེན་ལས་འདས་པ་ཁོ་ན་མ་གཏོགས་མེད། གཉིས་ནས་བར་སྐབས་རྒྱལ་པོ་ཤུགས་ལྡན་ཞེས་དར་སྲོལ་ལྟ་བུ་བྱུང་བ་རེད། ཤུགས་ལྡན་ཡོང་རྒྱུ་ནི་༸གོང་ས་ལྔ་པ་ཆེན་པོའི་སྐབས་བྱུང་བ་རེད། སྤྲུལ་སྐུ་གྲགས་པ་རྒྱལ་མཚན་༸གོང་ས་ལྔ་པ་ཆེན་པོའི་སློབ་མ་རེད།  ཐུགས་བརྩེ་ཆེན་པོ་ཡོད་པ་ཞིག་རེད་འདུག   འོན་ཀྱང་ཕྱིས་སུ་རྐྱེན་དབང་ཞིག་གིས་ཐོག་ནས་སྨོན་ལམ་ལོག་པའི་དམ་སྲི་གྱུར་ནས་གྲགས་པ་རྒྱལ་མཚན་རང་ཉིད་ཀྱང་པཎ་ཆེན་བསོད་ནམས་གྲགས་པའི་ཡང་སྲིད་སྤྲུལ་སྐུ་དགེ་ལེགས་དཔལ་བཟང་ཡིན་པ་ཡོད། སྤྲུལ་སྐུ་བསོད་ནམས་དགེ་ལེགས་དཔལ་བཟང་གི་ཡང་སྲིད་ངོ་མ་ཆགས་མེད་པ་༸གོང་ས་ལྔ་པ་ཆེན་པོའི་གསུང་ནང་གསལ་པོ་འདུག སྤྲུལ་སྐུ་བསོད་ནམས་དགེ་ལེགས་དཔལ་བཟང་གི་ཡང་སྲིད་རྫུན་མ་སྤྲུལ་སྐུ་གྲགས་པ་རྒྱལ་མཚན་རེད།  ༸གོང་ས་ལྔ་པ་ཆེན་པོས། པཎ་ཆེན་བསོད་ནམས་གྲགས་པའི་ཡང་སྲིད་སྤྲུལ་སྐུ་བསོད་ནམས་དགེ་ལེགས་དཔལ་བཟང་གི་ཡང་སྲིད་རྫུན་མ་ལམ་དུ་ལྷོངས་པ། ཞེས་སྤྲུལ་སྐུ་བསོད་ནམས་དགེ་ལེགས་དཔལ་བཟང་གི་ཡང་སྲིད་མིན་ཞེས་གསུངས་ཡོད། སྤྲུལ་སྐུ་བསོད་ནམས་དགེ་ལེགས་དཔལ་བཟང་གི་ཡང་སྲིད་རྫུན་མ་ལམ་དུ་ལྷོངས་པ། སྨོན་ལམ་ལོག་པས་དམ་སྲིར་འགྱུར་ཏེ་བསྟན་དང་འགྲོ་བར་འཚེ་བ་བྱས་པ། ཞེས་གསུངས་འདུག  དེར་རྒྱུའི་ཁྱད་པར། སྨོན་ལམ་ལོག་པ། ངོ་བོའི་ཁྱད་པར།  དམ་སྲི་འབྱུང་པོ། བྱེད་ལས་ཀྱི་ཁྱད་པར།  བསྟན་པ་དང་འགྲོ་བར་འཚེ་བ་བྱེད་མཁན། འདི་ལྟར་གསུངས་ཡོད།

ྱ༄༅། །ཡང་སྟེང་རིན་པོ་ཆེ་མཆོག་ནས་དོལ་རྒྱལ་སྐོར་བདེན་པའི་གསལ་བཤད།

སྐྱབས་རྗེ་ཡོངས་འཛིན་ཁྲི་བྱང་རིན་པོ་ཆེས་དམ་སྲི་དོལ་ རྒྱལ་དེ་འཇིག་རྟེན་དྲེགས་པའི་ངོ་བོར་བརྩིས་ནས་བསྟེན་ གསོལ་གནང་གི་ཡོད་མེད་སྐོར།

རི་བོ་དགེ་ལྡན་པའི་གདན་ས་ཆེན་པོ་བཞི་དང་གསང་ཆེན་རྒྱུད་གྲཱ་རྣམ་གཉིས་སོག་དོལ་རྒྱལ་དང་འབྲེལ་བ་མེད་སྐོར། ལེ་ཚན་གཉིས་པ།

རི་བོ་དགེ་ལྡན་པའི་གདན་ས་ཆེན་པོ་བཞི་དང་གསང་ཆེན་རྒྱུད་གྲཱ་རྣམ་གཉིས་སོག་དོལ་རྒྱལ་དང་འབྲེལ་བ་མེད་སྐོར། ལེ་ཚན་དང་པོ།

  དགེ་ལྡན་རྒྱལ་བའི་རྒྱལ་ཚབ་བྱང་རྩེ་ཆོས་རྗེ་རིན་པོ་ཆེ་མཆོག་གིས་དབུས་མཁན་ལས་ཟུར་རྣམ་པ་དང་། དགེ་བའི་བཤེས་གཉེན་མང་པོ་ཞིག་ལ་འཛམ་གླིང་བདེན་དོན་དང་བླངས་ལས་འགུལ་ཁང་ནས་མ་བསྐུལ་དང་བླངས་ཀྱིས་བཅའ་འདྲི་ཞུས་པར་རི་བོ་དགེ་ལྡན་པའི་གདན་ས་ཆེན་པོ་བཞི་དང་གསང་ཆེན་རྒྱུད་གྲཱ་རྣམ་གཉིས་སོགས་དོལ་རྒྱལ་དང་འབྲེལ་བ་མེད་པའི་བཀལ་ལན་ཕེབས་འདུག བརྙན་འཕྲིན་ལེ་ཚན་དང་པོ་འདིར་ཕུལ་ཡོད་པས་དོན་གཉེར་ཅན་ཡོངས་ཀྱིས་གསན་གཟིགས་གནང་རོགས་ཞུ་རྒྱུ་ཡིན། བརྙན་འཕྲིན་ལེ་ཚན་དང་པོ།

༸པཎ་ཆེན་སྐུ་ཕྲེང་བཅུ་པས་དོལ་རྒྱལ་བསྟེན་པར་མཛད་དམ།

དེ་ཡང་བོད་ནས་པར་དུ་ཐོན་པའི་༸པཎ་ཆེན་སྐུ་ཕྲེང་བཅུ་པའི་གསུང་འབུམ་ཁ་པའི་ཁོངས་༸འཇམ་མགོན་རྒྱལ་བའི་བསྟན་སྲུང་རྡོ་རྗེ་ཤུགས་ལྡན་རིགས་ལྔ་དྲག་པོ་རྩལ་གྱི་བསྐང་ཆོག་ལས་བཞི་ལྷུན་གྱིས་འགྲུབ་པའི་སྒྲ་དབྱངས་ཞེས་པ་ཞིག་སྣང་བས། འདི་དེང་སང་དོལ་རྒྱལ་སྟེན་མི་རྣམས་ཀྱིས་༸པཎ་ཆེན་སྐུ་ཕྲེང་རིམ་བྱོན་རྣམས་རྒྱལ་བ་འོད་དཔག་མེད་ཀྱི་སྤྲུལ་པར་གྲགས་པས། ༸པཎ་ཆེན་སྐུ་ཕྲེང་བཅུ་པ་ལྟ་བུའི་སྐྱེས་བུ་དམ་པ་དེས་དོལ་རྒྱལ་གྱི་ཆེ་བསྟོད་འདི་ལྟ་བུ་ཞིག་མཛད་འདུག་ན། དེས་ན་དོལ་རྒྱལ་ནི་ངེས་པ་དོན་ལ་འཇམ་དཔལ་དྲག་ཏུ་ཁྲོས་པ་ཡིན་པར་གདོན་མི་ཟ། དེའི་ཕྱིར་༸སྤྱི་ནོར་༸གོང་ས་རྒྱལ་དབང་ཐམས་ཅད་མཁྱེན་པའི་དོལ་རྒྱལ་སྐོར་གྱི་གསུང་རྣམས་སྒྲ་ཇི་བཞིན་པ་མིན་པའམ། ཡང་ན་ལོག་པར་གསུངས་པར་སྒྲོ་བཏགས་ཏེ། འཆལ་གཏམ་སྣ་ཚོགས་ཤིག་སྨྲ་བཞིན་འདུག་པ་ལ་ཚུལ་མཐུན་གྱིས་ལན་བྱེད་པ་ལ་གསུམ། སྔོན་གྱི་བཤད་པ། དཔྱད་པ་དངོས། མཇུག་བསྡུ་བའོ། ། དང་པོ། དེ་ཡང་སྟོན་པ་འཇིག་རྟེན་འདིར་བྱོན་པ་ནས་བཟུང་སངས་རྒྱས་ཀྱི་བསྟན་པ་རིན་པོ་ཆེར་དར་རྒུད་སྣ་ཚོགས་པར་བྱུང་དང་འབྱུང་འགྱུར་ལ། བསྟན་པའི་གནད་ཤེས་པའི་མཁས་པ་རྣམས་ཀྱིས་བསྟན་པའི་བྱི་དོར་ལ་མ་འབད་ན། དམ་པར་གྲགས་ཚད་ཀྱིས་གསུང་ཚད་ལ་ཤེས་རབ་ཆུང་བ་རྣམས་བདེན་པར་རློམ་ནས་བསྲེས་ལྷད་ཀྱིས་ཐུབ་པའི་བསྟན་པ་རིན་པོ་ཆེ་འདམ་རྫབ་ཀྱི་རྙོག་མ་དང་འདྲེས་པར་འགྱུར་ཉེན་ཆེ་ལ། དེའི་ཕྱིར་ཡིན་ལུགས་ཕུ་ཐག་ཆོད་པའི་ཤེས་རབ་ཀྱིས་དཔྱད་དེ་འཇུག་པ་ནི་སངས་རྒྱས་པའི་རྨད་དུ་བྱུང་བའི་ལུགས་ཡིན་ཏེ། རྗེ་བདག་ཉིད་ཆེན་པོས་ཐོག་མཐའ་བར་གསུམ་དུ་དགེ་བའི་སྨོན་ལམ་དུ། ཇི་ལྟར་ཐོས་པའི་དོན་ལ་རིགས་པ་བཞིས། །ཉིན་དང་མཚན་དུ་ཚུལ་བཞིན་རབ་བརྟག་ནས། ། བསམ་བྱའི་གནད་ལ་བསམས་ལས་བྱུང་བ་ཡི། །རྣམ་དཔྱོད་བློ་ཡིས་ཐེེ་ཚོམས་ཆོད་པར་ཤོག ། ཅེས་གསུངས་པའི་ཕྱིར། ། དེ་ཡང་བསྟན་པའི་གནད་ཤེས་པའི་དམ་པ་རྣམས་ནི་བརྟག་ཅིང་དཔྱད་དེ་ཡིན་ལུགས་གཏན་ལ་ཕབ་སྟེ་ཉམས་སུ་ལེན་པ་ལས། དད་པ་ཁོ་ནའི་རྗེས་སུ་འབྲངས་ནས་མ་བརྟག་མ་དཔྱད་པར་འཇུག་པར་མི་བྱེད་པ་ལྟར། རང་གཞན་ཀུན་གྱིས་དེ་ལྟར་དགོས་པའི་ཚུལ་གཞན་དུ་རྒྱས་པར་བྲིས་ཟིན་པས་འདིར་བསྐྱར་བར་མི་བྱའོ། ། གཉིས་པ། ༸པཎ་ཆེན་རིན་པོ་ཆེའི་གསུང་འབུམ་ཁ་པའི་ཁོངས་གོང་སྨོས་བསྐང་གསོ་དེ་ཕྱོགས་བསྡུས་བྱས་ནས་འདུག་པས། དེ་རྩོམ་པ་པོ་༸པཎ་ཆེན་རིན་པོ་ཆེ་སོགས་སུ་ཡིན་རུང་། དུས་ཇི་ཙམ་ཞིག་དུ་མཛད་དམ་ཞེ་ན། དེ་ཡང་རྒྱ་གར་གྱི་རྒྱལ་ས་ལྡི་ལི་ནས་པར་དུ་བཏབ་པའི་དོལ་རྒྱལ་གྱི་བེའུ་བུམ་པོད་གཉིས་ཡོད་པ་དེའི་ནང་དུའང་བསྐང་གསོ་དེ་ཕྱོགས་བསྡུས་བྱས་ནས་འདུག་ལ། བེའུ་བུམ་གྱི་པོད་གཉིས་པོ་ནི་སོག་པོ་གུ་རུ་དེ་ཝ་ཞེས་དོལ་རྒྱལ་ལ་སྙིང་ནས་དད་པའི་བླ་མའི་མིང་ཡོད་པའི་བླ་རྒན་ཞིག་ཡོད་པ་དེས་དེ་སྔ་ ༡༩༨༤ ལོར་པར་དུ་བཏབ་པ་ཡིན་ཞེས་བེའུ་བུམ་དེ་གའི་མཇུག་ཏུ་གསལ། དེས་ན་བསྐང་ཆོག་དེ་མཛད་དུས་ ༡༩༨༤ ཡི་ནང་དུའམ།

དབྱིན་ཡུལ་བོད་རིགས་ཚོགས་པས་དོལ་རྒྱལ་རྗེས་འབྲང་བའི་གནད་དོན་ཐོག་སྤེལ་བའི་བསྒྲགས་གཏམ།

༢༠༡༥ ཟླ་ ༩ ཚེས་ ༡༤ རེས་གཟའ་རེས་གཟའ་ཟླ་བ། ༄༅། །ཕྱི་ལོ་ ༢༠༡༤ ལོའི་འགོ་སྟོད་ནས་བཟུང་༸གོང་ས་༸སྐྱབས་མགོན་ཆེན་པོ་མཆོག་ཡུ་རོབ་དང་། ཨོ་སི་ཊོ་ལི་ཡ། དེ་བཞིན་ཨ་རི་བཅས་ཀྱི་ནང་ཆིབས་སྒྱུར་བསྐྱངས་སྐབས། རྒྱལ་སྤྱིའི་ཤུགས་ལྡན་ཚོགས་པ་ཡིན་ཞེས་ཟེར་བའི་ཆོས་ལུགས་ཕྱོགས་རིས་ཤུགས་ཆེ་བྱེད་མཁན་གྱི་མི་སྣ་ཁག་གཅིག་གིས་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་དང་། ངོ་རྒོལ་ཤུགས་ཆེན་པོ་བྱས་ཡོད། རྒྱལ་སྤྱིའི་ཤུགས་ལྡན་ཚོགས་པའི་ཚོགས་མི་ཁག་གཅིག་གིས་བོད་ཀྱི་ཆོས་ཕྱོགས་ཀྱི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་ཀྱི་སྒོ་ནས་གང་ཉིད་ལ་ཕག་པ་དང་། ཁ་ཆེས་ནང་པ་ཡིན་མདོག་བྱེད་པ་སོགས་ཀྱི་པར་རིས་མང་པོ་ཞིག་འགྲེམས་སྤེལ་བྱས་ཡོད་པ་མ་ཟད། ༸གོང་ས་༸སྐྱབས་མགོན་ཆེན་པོ་མཆོག་ཇར་མན་གྱི་སྲིད་དབང་སྒེར་འཛིན་པ་ཧིཊ་ལར་དང་འདྲ་མཚུངས་ཡིན་པའི་དཔེ་མཚོན་ཡང་སྦྱར་ཡོད། (http://www.dalailama2015.uk/) བཀའ་གདམས་གསར་མ་ཟེར་བའི་འགོ་ཁྲིད་སྐལ་བཟང་རྒྱ་མཚོའི་ལམ་སྟོན་བྱས་ཐོག་བཀའ་གདམས་གསར་མའི་ཚོགས་མི་ཁག་གཅིག་གིས་ཨིན་ཡུལ་ནང་རྒྱལ་སྤྱིའི་ཤུགས་ལྡན་ཚོགས་པ་ཟེར་བའི་ཚོགས་པ་ཞིག་གསར་འཛུགས་ཀྱིས་རྒྱལ་སྤྱི་ཁྱོན་ཡོངས་ནང་ཚོགས་མི་གྲངས་ ༡༢༠༠ ཙམ་ཡོད་པ་དང་། ཨིན་ཡུལ་ནང་ཤུགས་ལྡན་ཚོགས་པའི་བསྟི་གནས་ཁག ༥༠ ཙམ་ཞིག་ཡོད་འདུག དོལ་རྒྱལ་ཚོགས་པས་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་དང་སྐུར་འདེབས་ཀྱིས་རྔམ་སྟོན་བྱས་པ་དེ་དག་ནི་རྒྱ་ནག་གཞུང་གིས་ཆབ་སྲིད་ཀྱི་ལས་འགུལ་དང་ལག་འབྲེལ་ཡོད་པ་དྲ་ཐག་འདི་ནས་ར་ཕྲོད་བྱུང་ཐུབ། ( http://goo.gl/IIxgIs) ཉེ་ལམ་༸གོང་ས་༸སྐྱབས་མགོན་ཆེན་པོ་མཆོག་དབྱིན་ཡུལ་གོལ་ལོ་ཊིན་བེ་རིའི་ Glastonbury ནང་ཆིབས་སྒྱུར་བསྐྱངས་སྐབས་དོལ་རྒྱལ་རྗེས་འབྲང་པས་མངོན་གསལ་དོད་པོས་༸གོང་ས་༸སྐྱབས་མགོན་ཆེན་པོ་མཆོག་ལ་སྐུར་འདེབས་ཀྱི་མཚན་སྨད་ཞུས་པ་དང་། དེ་ཡང་ཁོ་པ་ཚོས་རྒྱུན་དུ་གཞན་ལ་མགོ་བསྐོར་གཏོང་ཐབས་དང་། རང་ཉིད་ཀྱི་མངོན་འདོད་བསྒྲུབ་ཕྱིར་སྐད་ཤུགས་ཆེན་པོས་ངོ་རྒོལ་དང་། བརྒྱུད་ལམ་ཁག་གི་ནང་ཁོ་པ་ཚོའི་བཤད་པའི་གནད་དོན་དེ་དག་ཚུད་དགོས་པའི་གནོན་ཤུགས་ཀྱང་སྤྲད་ཡོད་པ་སོགས་དབྱིན་ཡུལ་གྱི་ཚགས་ཤོག The Observer ཞེས་པ་དེའི་ནང་དེ་ལྟར་འཁོད་ཡོད་པ་དྲ་ཐག་འདི་ནས་མཐོང་ཐུབ། (http://goo.gl/jGSoxC). http://goo.gl/Wf9Ge8 གནད་དོན་དེ་དག་ལ་བརྟེན་ནས་ཨིན་ཡུལ་གནས་སྡོད་བོད་རིགས་ཚོགས་པས་དོལ་རྒྱལ་རྗེས་འབྲང་པ་དེ་ཚོས་མི་གཞན་མགོ་བོ་རྨོང་ཐབས་བྱས་པ་དང་། བཟང་སྤྱོད་དང་བརྒལ་བའི་བྱ་སྤྱོད་དེར་གཞིགས་ཏེ་བསྒྲགས་གཏམ་འདི་ཆེད་དུ་སྤེལ་བ་ཞིག་ཡིན་འདུག

༸རྒྱལ་བའི་གསུང་འབུམ་ཕྱོགས་སྒྲིག་སྡེ་ཚན་གྱི་འགན་འཛིན་ཡང་སྟེང་རིན་པོ་ཆེ་མཆོག་གིས་ས་རྭ་བོད་ཀྱི་མཐོ་སློབ་ཁང་དུ་འགོ་ཁྲིད་ཟབ་སྦྱོང་སྐབས་དོལ་རྒྱལ་སྐོར་ཆོས་ཕྱོགས་དང་འབྲེལ་བའི་སྐོར་གསུང་བཤད་གནང་བ།

༢༠༡༥ ཟླ་ ༦ ཚེས་ ༢༢ རེས་གཟའ་ཟླ་བ། ༄༅། །ཕྱི་ལོ་ ༢༠༡༥ ཟླ་ ༥ ཚེས་ ༢༦ རེས་གཟའ་མིག་དམར་ཉིན་གྱི་ཕྱེད་ཡོལ་ཆུ་ཚོད་ ༡།༤༥ ཐོག་༸རྒྱལ་བའི་གསུང་འབུམ་ཕྱོགས་སྒྲིག་སྡེ་ཚན་གྱི་འགན་འཛིན་ཡང་སྟེང་རིན་པོ་ཆེ་མཆོག་གིས་ཤེས་རིག་ལས་ཁུངས་ཀྱི་གོ་སྒྲིག་འོག་རྒྱ་བལ་ཁུལ་གྱི་མཐོ་སློབ་ ༣༧ ནས་སློབ་གཉེར་བ་ ༡༥༠ སྐོར་ལ་འགོ་ཁྲིད་ཟབ་སྦྱོང་དང་རྒྱ་བལ་གཉིས་སུ་ཡོད་པའི་ཤེས་རིག་ཁོངས་གཏོགས་སློབ་གྲྭ་ ༧༣ ནས་གཞི་རིམ་འོག་མའི་དགེ་རྒན་ ༢༥༠ སྐོར་ལ་ཤེས་ཡོན་སློབ་སྦྱོང་སྤྲོད་སྟངས་སྐོར་ཟབ་སྦྱོང་གོ་སྒྲིག་བཅས་གནང་སྐབས་དོལ་རྒྱལ་སྐོར་ཆོས་ཕྱོགས་དང་འབྲེལ་བའི་སྐོར་གསུང་བཤད་གནང་བ་ཕྱོགས་སྒྲིག་ཞུས་པའི་ནང་གསལ། དོལ་རྒྱལ་བསྟེན་སྲོལ་བྱས་ན་སྐྱབས་འགྲོའི་བསླབ་བྱ་དང་འགལ་ཚུལ་དང་དམ་ཚིག་སྲུང་དགོས་པ་གལ་ཆེ་ཚུལ་སྐོར་གསུང་བཤད་གནང་དོན། ང་རང་ཚོ་ནང་པ་ཞིག་ཡིན་པའི་ངོས་ནས་སྐྱབས་བཅོལ་ས་དཀོན་མཆོག་གསུམ་ཡིན་པ་ལས་དཀོན་མཆོག་གསུམ་ལས་གཞན་པའི་ང་ཚོར་སྐྱབས་གནས་ཤིག་མེད། འོ་ན་དཀོན་མཆོག་གསུམ་ལ་སྐྱབས་སུ་འགྲོ་ནས་ངེས་པར་སྤངས་དགོས་པ་ག་རེ་ཡོད་པ་ རེད་ཞུ་ན། སངས་རྒྱས་ལ་སྐྱབས་སུ་འགྲོ་ནས་འཇིག་རྟེན་པའི་ལྷ་འདྲེ་དང་ལམ་ལོག་པ་སྟོན་པའི་མི་དགེ་བའི་བཤེས་གཉེན་ལ་གཏན་གྱི་སྐྱབས་གནས་སུ་བསྟེན་མི་རུང་བ་དང་། ཆོས་ལ་སྐྱབས་སུ་འགྲོ་ནས་སྲོག་ཆགས་གྲོག་འབུ་ཚུན་ཆད་ཀྱི་སྲོག་ལ་གནོད་པ་བྱེད་མི་རུང་བ་དང་། དགེ་འདུན་ལ་སྐྱབས་སུ་འགྲོ་ནས་སྡིག་པའི་གྲོགས་པོ་དང་འགྲོགས་མི་རུང་བ་བཅས་རེད། དཀོན་མཆོག་གསུམ་ལ་སྐྱབས་སུ་འགྲོ་ནས་ངེས་པར་བྱེད་དགོས་པ་གསུམ་ཡོད། སངས་རྒྱས་ལ་སྐྱབས་སུ་འགྲོ་ནས་སངས་རྒྱས་ཀྱི་སྐུ་གཟུགས་རི་མོར་བྲིས་པ་ཚུན་ཆད་ ལ་ལེགས་ཉེས་མི་ལྟ་བར་དད་གུས་བྱེད་དགོས་པ་དང་། ཆོས་ལ་སྐྱབས་སུ་འགྲོ་ནས་སངས་རྒྱས་ཀྱི་གསུང་ཡིག་འབྲུ་ན་གཅིག་ཚུན་ཆད་འདོར་ མི་རུང་བར་སློབ་སྦྱོང་གང་ཐུབ་བྱེད་དགོས་པ་དང་། དགེ་འདུན་ལ་སྐྱབས་སུ་འགྲོ་ནས་དགེ་འདུན་གྱི་ཆ་ལུགས་ལའང་གུས་ཞབས་བྱེད་དགོས་པ་བཅས་རེད། དེ་འདྲ་ཡིན་དུས་སངས་རྒྱས་ལ་སྐྱབས་སུ་སོང་ནས་འཇིག་རྟེན་པའི་ལྷ་འདྲེ་ག་འདྲ་ཞིག་ཡིན་ནའང་སྐྱབས་སུ་བསྟེན་མི་རུང་བ་དེ་ནང་པ་ཡོངས་རྫོགས་ཀྱི་གཞི་རྩའི་ འགྲོ་སྟངས་རེད། ནང་པ་ཡིན་ཟེར་ནས་ནང་པ་མཐའ་དག་གིས་ངེས་པར་བརྩི་སྲུང་ཞུ་དགོས་པ་དེ་བརྩི་སྲུང་མ་ཞུས་ན་ནང་པ་རེད་ཅེས་ལབ་ཐུབ་ཐབས་མེད།

ཀོ་ལི་གྷལ་དོན་ལྡན་གླིང་ས་གནས་འཐུས་ཚོགས་ནས་དོལ་རྒྱལ་དང་འབྲེལ་བའི་གྲོས་ཆོད་བཞག་པ།

ཕྱི་ལོ་ ༢༠༡༥ ཟླ་ ༨ ཚེས་ ༢༨ རེས་གཟའ་པ་སངས། ༄༅། །ཕྱི་ལོ་ ༢༠༡༥ ཟླ་ ༨ ཚེས་ ༢༨ ཉིན་ཀོ་ལི་གྷལ་དོན་ལྡན་གླིང་ས་གནས་འགོ་འཛིན་ལས་ཁུངས་ནས་བཏང་གནས་ནང་འཁོད་དོན། ཀོ་ལི་གྷལ་དོན་ལྡན་གླིང་ས་གནས་འཐུས་ཚོགས་ནས་དོལ་རྒྱལ་དང་འབྲེལ་བའི་གྲོས་ཆོད་ཁག་གསུམ་བཞག་པ་རྣམས་གཤམ་གསལ། ༡། དོལ་རྒྱལ་རྗེས་འབྲང་པ་རྣམས་ཀྱི་བྱེད་བབ་དེ་རིགས་ནི་དངུལ་དངོས་ཀྱི་ཁེ་ཕན་ཁོ་ནའི་བསླུ་ཁྲིད་འོག་བོད་མི་ནང་ཁུལ་དཀྲུག་ཤིང་དང་། ༸གོང་ས་༸སྐྱབས་མགོན་ཆེན་པོ་མཆོག་ལ་གཞི་མེད་ཀྱི་མཚན་སྨད་སྐུར་འདེབས་བྱས་པ་སོགས་ཆབ་སྲིད་ཀྱི་ལག་ཆ་ཞིག་ཏུ་འགྱུར་ཡོད་པ་ལས། ཆོས་དད་རང་དབང་ཡོད་མེད་ཀྱི་གནད་དོན་དང་འབྲེལ་བ་སྤུ་ཙམ་མེད་པ་ས་གནས་འཐུས་ཚོགས་འདིའི་ཐོག་ནས་ངོས་འཛིན་གསལ་པོ་བྱེད་རྒྱུ་དང་། རྒྱ་ནག་གཞུང་གི་ཆབ་སྲིད་ཀྱི་དགོས་མཁོའི་གཡོ་བྱུས་འོག་དྲིན་ལན་ལོག་འཇལ་དང་། ལས་འབྲས་བརྩིས་མེད་ཀྱི་བོད་བསྟན་སྲིད་མི་རིགས་དང་བཅས་པར་གནོད་ཚབས་ཅན་གྱི་ བསམ་མེད་དོལ་རྒྱལ་རྗེས་འབྲང་པ་རྣམས་ལོ་རྒྱུས་ཐོག་གི་ནག་ཉེས་ཅན་ལའང་ངོས་འཛིན་བྱ་རྒྱུ། ༢། ཨ་རི་དང་རྒྱ་གར་གསང་བའི་ལས་ཁང་ནས་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཕྱར་སྔར་ལྷག་གཟབ་ནན་བྱ་གལ་ཆེ་བའི་སྙན་ཐོ་ཐོན་ཡོད་པས་བོད་མིའི་སྒྲིག་འཛུགས་དང་། བོད་མི་ཡོངས་ཀྱི་རྫི་གསང་དང་། བོད་མི་ཡོངས་ཀྱིས་རྫི་གསང་རྣོན་པོས་ཕྱར་གྲུ་མཉམ་འདེགས་བྱ་ཕྱོགས་དང་། ལྷག་པར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཆིབས་སྒྱུར་སྐབས་རྒྱ་གར་དབུས་སའི་གཞུང་དང་། བདེ་སྲུང་ལས་ཁུངས། ས་གནས་སོ་སོའི་བོད་མིའི་སྒྲིག་འཛུགས། དེ་བཞིན་ཕྱིའི་ཡུལ་གྲུ་གཞན་གང་སར་ཆིབས་སྒྱུར་བཀའ་དྲིན་སྐྱོང་སྐབས་སྐུ་ཚབ་དོན་གཅོད་སོགས་ཀྱི་རྒྱལ་ཁབ་དང་ཡུལ་ལུང་སོ་སོའི་འབྲེལ་ཆགས་སོ་སོར་སྔོན་ཚུད་ནས་འབྲེལ་ལམ་དམ་གཟབ་ཀྱི་སྐུ་ཕྱྭའི་སྲུང་སྐྱོབ་ཞུ་རྒྱུར་སྔར་ལྷག་དམ་གཟབ་བྱ་རྒྱུ། ༣། ཉེ་སྔོན་ཨ་རིའི་གྲོང་ཁྱེར་སན་ཕ་རན་སི་སི་ཀོ་རུ་དོལ་རྒྱལ་རྗེས་འབྲང་བྱ་སྤྱོད་དོན་རྐྱེན་གྱི་འབྱུང་རྩ་ཇི་བཞིན་སྐོར་འཛིན་སྐྱོང་བཀའ་ཤག་གིས་ཞིབ་འཇུག་མཐིལ་ཕྱིན་གནང་སྟེ། འདི་རིགས་མི་བྱུང་བའི་ལམ་སྟོན་དང་བཀོད་ཁྱབ་ནན་པོ་གནང་དགོས་པ་བཅས་ཀྱི་སྤྱི་ མོས་གྲོས་ཆོད་དུ། དོན་ལྡན་གླིང་ས་གནས་འཐུས་ཚོགས་སྐབས་བརྒྱད་པའི་ཚོགས་ཐེངས་ལྔ་པའི་ཐོག་སྤྱི་མོས་གྲོས་ཆོད་དུ། ཞེས་གྲོས་ཆོད་ཁག་གསུམ་བཞག་འདུག །

དབྱིན་ཡུལ་བོད་རིགས་ཚོགས་པས་དོལ་རྒྱལ་རྗེས་འབྲང་བའི་གནད་དོན་ཐོག་སྤེལ་བའི་བསྒྲགས་གཏམ།

༢༠༡༥ ཟླ་ ༩ ཚེས་ ༡༤ རེས་གཟའ་རེས་གཟའ་ཟླ་བ། ༄༅། །ཕྱི་ལོ་ ༢༠༡༤ ལོའི་འགོ་སྟོད་ནས་བཟུང་༸གོང་ས་༸སྐྱབས་མགོན་ཆེན་པོ་མཆོག་ཡུ་རོབ་དང་། ཨོ་སི་ཊོ་ལི་ཡ། དེ་བཞིན་ཨ་རི་བཅས་ཀྱི་ནང་ཆིབས་སྒྱུར་བསྐྱངས་སྐབས། རྒྱལ་སྤྱིའི་ཤུགས་ལྡན་ཚོགས་པ་ཡིན་ཞེས་ཟེར་བའི་ཆོས་ལུགས་ཕྱོགས་རིས་ཤུགས་ཆེ་ བྱེད་མཁན་གྱི་མི་སྣ་ཁག་གཅིག་གིས་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་ དང་། ངོ་རྒོལ་ཤུགས་ཆེན་པོ་བྱས་ཡོད། རྒྱལ་སྤྱིའི་ཤུགས་ལྡན་ཚོགས་པའི་ཚོགས་མི་ཁག་གཅིག་གིས་བོད་ཀྱི་ཆོས་ཕྱོགས་ ཀྱི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་ཀྱི་སྒོ་ནས་གང་ཉིད་ ལ་ཕག་པ་དང་། ཁ་ཆེས་ནང་པ་ཡིན་མདོག་བྱེད་པ་སོགས་ཀྱི་པར་རིས་མང་པོ་ཞིག་འགྲེམས་སྤེལ་བྱས་ ཡོད་པ་མ་ཟད། ༸གོང་ས་༸སྐྱབས་མགོན་ཆེན་པོ་མཆོག་ཇར་མན་གྱི་སྲིད་དབང་སྒེར་འཛིན་པ་ཧིཊ་ལར་དང་ འདྲ་མཚུངས་ཡིན་པའི་དཔེ་མཚོན་ཡང་སྦྱར་ཡོད། (http://www.dalailama2015.uk/) བཀའ་གདམས་གསར་མ་ཟེར་བའི་འགོ་ཁྲིད་སྐལ་བཟང་རྒྱ་མཚོའི་ལམ་སྟོན་བྱས་ཐོག་ བཀའ་གདམས་གསར་མའི་ཚོགས་མི་ཁག་གཅིག་གིས་ཨིན་ཡུལ་ནང་རྒྱལ་སྤྱིའི་ཤུགས་ལྡན་ ཚོགས་པ་ཟེར་བའི་ཚོགས་པ་ཞིག་གསར་འཛུགས་ཀྱིས་རྒྱལ་སྤྱི་ཁྱོན་ཡོངས་ནང་ཚོགས་མི་ གྲངས་ ༡༢༠༠ ཙམ་ཡོད་པ་དང་། ཨིན་ཡུལ་ནང་ཤུགས་ལྡན་ཚོགས་པའི་བསྟི་གནས་ཁག ༥༠ ཙམ་ཞིག་ཡོད་འདུག དོལ་རྒྱལ་ཚོགས་པས་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་དང་སྐུར་འདེབས་ ཀྱིས་རྔམ་སྟོན་བྱས་པ་དེ་དག་ནི་རྒྱ་ནག་གཞུང་གིས་ཆབ་སྲིད་ཀྱི་ལས་འགུལ་དང་ལག་ འབྲེལ་ཡོད་པ་དྲ་ཐག་འདི་ནས་ར་ཕྲོད་བྱུང་ཐུབ། ( http://goo.gl/IIxgIs) ཉེ་ལམ་༸གོང་ས་༸སྐྱབས་མགོན་ཆེན་པོ་མཆོག་དབྱིན་ཡུལ་གོལ་ལོ་ཊིན་བེ་རིའི་ Glastonbury