དབྱིན་ཡུལ་བོད་རིགས་ཚོགས་པས་དོལ་རྒྱལ་རྗེས་འབྲང་བའི་གནད་དོན་ཐོག་སྤེལ་བའི་བསྒྲགས་གཏམ།

༢༠༡༥ ཟླ་ ༩ ཚེས་ ༡༤ རེས་གཟའ་རེས་གཟའ་ཟླ་བ། ༄༅། །ཕྱི་ལོ་ ༢༠༡༤ ལོའི་འགོ་སྟོད་ནས་བཟུང་༸གོང་ས་༸སྐྱབས་མགོན་ཆེན་པོ་མཆོག་ཡུ་རོབ་དང་། ཨོ་སི་ཊོ་ལི་ཡ། དེ་བཞིན་ཨ་རི་བཅས་ཀྱི་ནང་ཆིབས་སྒྱུར་བསྐྱངས་སྐབས། རྒྱལ་སྤྱིའི་ཤུགས་ལྡན་ཚོགས་པ་ཡིན་ཞེས་ཟེར་བའི་ཆོས་ལུགས་ཕྱོགས་རིས་ཤུགས་ཆེ་ བྱེད་མཁན་གྱི་མི་སྣ་ཁག་གཅིག་གིས་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་ དང་། ངོ་རྒོལ་ཤུགས་ཆེན་པོ་བྱས་ཡོད། རྒྱལ་སྤྱིའི་ཤུགས་ལྡན་ཚོགས་པའི་ཚོགས་མི་ཁག་གཅིག་གིས་བོད་ཀྱི་ཆོས་ཕྱོགས་ ཀྱི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་ཀྱི་སྒོ་ནས་གང་ཉིད་ ལ་ཕག་པ་དང་། ཁ་ཆེས་ནང་པ་ཡིན་མདོག་བྱེད་པ་སོགས་ཀྱི་པར་རིས་མང་པོ་ཞིག་འགྲེམས་སྤེལ་བྱས་ ཡོད་པ་མ་ཟད། ༸གོང་ས་༸སྐྱབས་མགོན་ཆེན་པོ་མཆོག་ཇར་མན་གྱི་སྲིད་དབང་སྒེར་འཛིན་པ་ཧིཊ་ལར་དང་ འདྲ་མཚུངས་ཡིན་པའི་དཔེ་མཚོན་ཡང་སྦྱར་ཡོད། (http://www.dalailama2015.uk/) བཀའ་གདམས་གསར་མ་ཟེར་བའི་འགོ་ཁྲིད་སྐལ་བཟང་རྒྱ་མཚོའི་ལམ་སྟོན་བྱས་ཐོག་ བཀའ་གདམས་གསར་མའི་ཚོགས་མི་ཁག་གཅིག་གིས་ཨིན་ཡུལ་ནང་རྒྱལ་སྤྱིའི་ཤུགས་ལྡན་ ཚོགས་པ་ཟེར་བའི་ཚོགས་པ་ཞིག་གསར་འཛུགས་ཀྱིས་རྒྱལ་སྤྱི་ཁྱོན་ཡོངས་ནང་ཚོགས་མི་ གྲངས་ ༡༢༠༠ ཙམ་ཡོད་པ་དང་། ཨིན་ཡུལ་ནང་ཤུགས་ལྡན་ཚོགས་པའི་བསྟི་གནས་ཁག ༥༠ ཙམ་ཞིག་ཡོད་འདུག དོལ་རྒྱལ་ཚོགས་པས་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་དང་སྐུར་འདེབས་ ཀྱིས་རྔམ་སྟོན་བྱས་པ་དེ་དག་ནི་རྒྱ་ནག་གཞུང་གིས་ཆབ་སྲིད་ཀྱི་ལས་འགུལ་དང་ལག་ འབྲེལ་ཡོད་པ་དྲ་ཐག་འདི་ནས་ར་ཕྲོད་བྱུང་ཐུབ། ( http://goo.gl/IIxgIs) ཉེ་ལམ་༸གོང་ས་༸སྐྱབས་མགོན་ཆེན་པོ་མཆོག་དབྱིན་ཡུལ་གོལ་ལོ་ཊིན་བེ་རིའི་ Glastonbury

དགེ་ལུགས་ཡོངས་ཀྱི་༸རྒྱལ་བའི་བཀའ་དྲིན་རྗེས་དྲན་དང་འབྲེལ་གསང་ཆེན་སྔགས་ཀྱི་རྩོད་པའི་ཆོས་ཐོག་ཆེན་མོ་དཔལ་ལྡན་སྨད་རྒྱུད་གྲྭ་ཚང་དུ་གསར་གཏོད་གནང་བ།

༄༅། །འདི་གར་བོད་མི་མང་སྤྱི་འཐུས་དགེ་བཤེས་རོང་པོ་བློ་བཟང་སྙན་གྲགས་ལགས་ཀྱིས་བཏང་གནས་ནང་འཁོད་དོན། ཕྱི་ལོ་ ༢༠༡༥ ཟླ་ ༡༡ ཚེས་ ༡༥ ཉིན་དགེ་ལུགས་ཡོངས་ཀྱི་༸རྒྱལ་བའི་བཀའ་དྲིན་རྗེས་དྲན་དང་འབྲེལ་བའི་གསང་ཆེན་སྔགས་ཀྱི་འཇང་དགུན་ཆོས་སམ་རྩོད་པའི་ཆོས་ཐོག་ཆེན་མོ་དེ་བཞིན་ལྷོ་ཕྱོགས་ཧུན་སུར་རབ་རྒྱས་གླིང་གི་དཔལ་ལྡན་སྨད་རྒྱུད་གྲྭ་ཚང་དུ་གསར་འཛུགས་ཞུས་ཡོད་པ་དང་། དེ་ཡང་མཉམ་ཞུགས་གནང་མཁན་གསང་ཆེན་རྒྱུད་གྲྭ་རྣམ་གཉིས་ཀྱིས་གཙོས་པའི་སྲད་རྒྱུད་གྲྭ་ཚང་དང་། རྣམ་རྒྱལ་གྲྭ་ཚང་། གཞན་ཡང་གདན་ས་གསུམ་གྱི་དགེ་བཤེས་ལྷ་རམས་པ་དང་། གསང་སྔགས་དོན་གཉེར་ཅན་གྱི་དགེ་བཤེས་དང་གཞུང་ལུགས་རབ་འབྱམས་སྨྲ་བ་བཅས་དགེ་འདུན་པ་བཞི་བརྒྱ་ལྷག་མཉམ་ཞུགས་གནང་ཡོད་པ་རེད། དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོ་ཞྭ་སེར་བསྟན་པའི་སྲོག་ཤིང་བྱང་རྩེ་ཆོས་རྗེ་རིན་པོ་ཆེ་མཆོག་དང་། གསང་ཆེན་རྒྱུད་གྲྭ་རྣམ་གཉིས་དང་། སེར་བྱེས་དང་སྲད་རྒྱུད། རྫོང་དཀར་ཆོས་སྡེ་བཅས་ཀྱི་གྲྭ་ཚང་གི་མཁན་པོ་རྣམ་པ། སེར་སྨད་དང་བཀྲ་ཤིས་ལྷུན་པོའི་མཁན་ཚབ། གཞན་ཡང་སྦེལ་ཀོབ་དང་ཧུན་སུར་ས་གནས་གཉིས་ཀྱི་རིས་མེད་ཆོས་སྡེ་ཁག་གི་སྐུ་ཚབ། ཕྱོགས་བཞུགས་བོད་མི་མང་སྤྱི་འཐུས་ལས་ཟུར་དང་། ལྷོ་སྤྱི་དང་ལུགས་བསམ་གཞིས་འགོ་གཅིག་ལྕོགས། བདེ་སླར་དང་ཧུན་སུར་བཅས་ཀྱི་ས་གནས་འགོ་འཛིན་དང་། ས་གནས་མཉམ་འབྲེལ་དང་།  རང་བདེན་ཚོགས་གཙོ་བཅས་གཞིས་ཆགས་ཁག་གསུམ་གྱི་གནད་ཡོད་མི་སྣ་བཅས་ནས་༸རྒྱལ་བའི་སྐུ་པར་མཐོང་གྲོལ་རིན་པོ་ཆེ་སྤོས་སྣེས་གདན་ཞུས་ཀྱིས་ཁྲི་ཁར་འཁོད་མཚམས་མཎྜལ་རྟེན་གསུམ་འདེགས་འབུལ་ཞུས་རྗེས་གོ་སྒྲིག་ཚོགས་ཆུང་གི་ཚོགས་མི་སྔགས་རམས་པ་ཉི་མ་ཚེ་རིང་ལགས་ནས་མཛད་རིམ་སྒྲོག་སྦྱོང་གནང་བ་དང་། བོད་བསྟན་པ་ཆབ་སྲིད་ཀྱི་དོན་དུ་རང་ལུས་མེར་སྲེག་གནང་བས་མཚོན་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད་ཚང་མ་སྐུ་བཞེངས་ཐོག་སྐར་མ་གཅིག་རིང་མྱ་ངན་ངག་བཅད་གནང་བ་དང་། དེ་ནས་གསོལ་ཇ་འབྲས་སིལ་འདེགས་འབུལ་ཞུས་གྲུབ་རྗེས་རྒྱུད་གྲྭ་རྣམ་གཉིས་ཀྱི་དགེ་འདུན་བརྒྱད་གྲྭ་ནས་དཔལ་གསང་བ་འདུས་པའི་ཤིས་བརྗོད་གནང་བ་དང་། དེ་ནས་དགེ་ལུགས་ཡོངས་ཀྱི་༸རྒྱལ་བའི་བཀའ་དྲིན་རྗེས་དྲན་གྱི་རྒྱུན་ལས་ཚོགས་གཙོ་དགེ་ལུགས་སྤྱི་འཐུས་དགེ་བཤེས་རོང་པོ་བློ་བཟང་སྙན་གྲགས་ལགས་ཀྱིས་ཕེབས་བསུ་དང་འབྲེལ་བའི་མཛད་རིམ་གྱི་གལ་གནད་སྐོར་གཏམ་བཤད་གནང་སྐབས། གོ་སྒྲིག་ཚོགས་ཆུང་གི་བྱུང་རིམ་དང་ད་ལྟའི་བར་མཛད་རིམ་གང་དག་སྤེལ་བ་དང་། སྤེལ་འཆར་ཡོད་སྐོར། དེ་ཡང་མདོ་སྔགས་གཉིས་ཀའི་ཐོག་ལ་བཤད་སྒྲུབ་གཉིས་ཀྱི་ལམ་ནས་རིས་མེད་ཆོས་བརྒྱུད་ཁག་དང་། དགོན་སྡེ་ཁག་མཉམ་ཞུགས་ཀྱིས་༸རྒྱལ་བའི་བཀའ་གསུང་ཅི་སྒྲུབ་ཀྱི་ཐད་རྩོམ་ཤོག་ཐོག་བགྲོ་གླེང་དང་། རྩོད་པའི་ཆོས་ཐོག་གསར་འཛུགས་སོགས་ཆོས་ཚོགས་ཐེངས་བཅུ་གཅིག་པའི་ཐོག་བཀའ་སློབ་གནང་བའི་དགོངས་དོན་གཞིར་བཞག་མཆོད་སྤྲིན་སྤྲོ་ཐབས་ལ་འབད་བརྩོན་ཞུ་བཞིན་ཡོད་པ་དང་།    ད་རེས་གསང་ཆེན་སྔགས་ཀྱི་རྩོད་པའི་ཆོས་ཐོག་འདིར་མཚོན་ན། གསང་ཆེན་རྒྱུད་གྲྭ་རྣམ་གཉིས་ཀྱི་ཁས་ལེན་འཛིན་མཚམས་ཙམ་མ་ཡིན་པར་ཉིན་རེའི་རྩོད་གཞུང་གི་སྐབས་མཚམས་སོ་སོར་སྒྲུབ་པ་ལྷུར་ལེན་ལ་ཉེ་བར་མཁོ་བའི་མན་ངག་དང་ཕྱག་བཞེས་ག་རེ་ཡོད་པ་དོན་གཉེར་ཅན་ཚོའི་དགའ་སྟོན་དུ་གནང་དགོས་པའི་གལ་ཆེའི་རང་བཞིན་དང་། ཉིན་རེ་ཉིན་རེའི་རྩོད་པའི་འགྲོ་ཕྱོགས་བཅས་ཀྱི་སྐོར་ལ་གཏམ་བཤད་ཞུས་པ་དང་། རྒྱུད་སྨད་མཁན་རིན་པོ་ཆེ་ནས་འཕགས་པ་སྤྱན་རས་གཟིགས་དང་བོད་གངས་ཅན་དབར་གྱི་འབྲེལ་བ་དང་། ༸རྒྱལ་བ་ཐུགས་རྗེ་ཅན་གྱིས་སྐུ་ངལ་འཛེམ་མེད་དང་དཀའ་བ་བརྒྱ་ཕྲག་ཁྱད་དུ་བསད་དེ་ཆོལ་གསུམ་ཆོས་ལུགས་དང་བཅས་པ་རྡོག་རྩ་ཆིག་སྒྲིལ་བཟོས་གནང་བ་དང་། མ་འོངས་པར་ཡང་ང་ཚོས་བོད་དོན་འཐབ་རྩོད་ཐད་ཆིག་སྒྲིལ་གལ་ཆེའི་སྐོར། ༸རྒྱལ་བ་ཐུགས་ཕམ་གྱི་ལས་དོན་ཆ་ཙམ་ཡང་སྒྲུབ་མི་རུང་བའི་སྐོར།