རྣམ་སྲས་དང་དོལ་རྒྱལ་མི་མཐུན་པ།

རྣམ་སྲས་རྟ་བདག་བརྒྱད།

རྣམ་སྲས་རྟ་བདག་བརྒྱད།

http://shugdenfacts.com/gadenjangtsemonastery/

ཕྱི་ལོ་ ༡༩༨༣ ཟླ་ ༤ ཚེས་ ༨ ཉིན་ྋགོང་ས་ྋསྐྱབས་མགོན་ཆེན་པོ་མཆོག་ནས་འབུམ་སྡེ་ལ་བསྟན་འཛིན་སྒང་དུ་དཔལ་ལྡན་སྟོད་རྒྱུད་གྲྭ་ཚང་གི་འདུས་སྡེས་གཙོས་སེར་སྐྱ་ཕོ་མོ་ ༥༠༠ སྐོར་ལ་གསང་བདེ་འཇིགས་གསུམ་གྱི་དབང་ཆེན་སྩལ་རྗེས་དོལ་རྒྱལ་སྐོར་སྩལ་བའི་བཀའ་སློབ།

   དེ་བཞིན་༸པཎ་ཆེན་ཐམས་ཅད་མཁྱེན་པ་བློ་བཟང་ཆོས་ཀྱི་རྒྱལ་མཚན་གྱི་དྲུང་ནས་སྤྲུལ་སྐུ་གྲགས་པ་རྒྱལ་མཚན་གྱིས་གསུང་ཆོས་མང་པོ་གསན། ཁོང་རང་གི་རྩ་བའི་བླ་མ་གཙོ་བོ་གནང་ནས་བཞུགས་ཡོད། གང་ལྟར་ཡང་སྙིང་རྒྱལ་ཆེན་དྲེགས་པའི་སྐུར་བཞེངས་ནས་བཀྲ་ཤིས་ལྷུན་པོར་ཕེབས་པའི་ལོ་རྒྱུས་ཡོད། དེར་ཕེབས་པའི་སྐབས་ལ་རྣམ་སྲས་རྟ་བདག་བརྒྱད་ཀྱིས་བཀྲ་ཤིས་ལྷུན་པོའི་དགོན་པ་བསྐོར་ནས་དགོན་པའི་ནང་ལ་ཕེབས་མ་བཅུག་པའི་ལོ་རྒྱུས་གཅིག་ཤུགས་ལྡན་ཚད་མར་འཛིན་མཁན་གྱི་ལོ་རྒྱུས་ནང་ལ་གསལ་ཡོད། ༼༸ཁྲི་བྱང་རིན་པོ་ཆེས་མཛད་པའི་དོལ་རྒྱལ་བསྟོད་འགྲེལ༽ དེ་ཡག་དྲག་པ་ཞིག་རེད་མི་འདུག གང་ལྟར་པཎ་ཆེན་བློ་བཟང་ཆོས་རྒྱན་གྱི་གདན་ས་བཀྲ་ཤིས་ལྷུན་པོ་ལ་རྣམ་སྲས་རྟ་བདག་བརྒྱད་ཀྱིས་བསྐོར་ནས་དེའི་ནང་ལ་ལམ་སང་གདན་འདྲེན་ཞུ་རྒྱུ་ཕར་བཞག་ནས་དགག་བྱ་ཡོད་པ་ཆགས་ཡོད། དེ་རང་རྒྱུད་འཕེན་པའི་གཏན་ཚིགས་ལྟ་བུ་ཆགས་ཡོད། ལུང་དོན་དཔྱིས་ཕྱིན་པ་བཤད་རྒྱུ་ཞིག་མ་བྱུང་ན་རྙོག་ཁྲའི་སྒང་ལ་རྙོག་ཁྲ་རེད་སོང་ངམ། རྒྱལ་ཆེན་ཤུགས་ལྡན་ཁོ་རང་སྒེར་གྱི་ཆ་ནས་ག་རེ་ཡིན་རུང་མིན་རུང༌། ང་ཚོས་ཇུས་གཏོགས་གང་ཡང་མེད།