༢༠༡༥ ཟླ་ ༩ ཚེས་ ༡༤ རེས་གཟའ་རེས་གཟའ་ཟླ་བ།
༄༅། །ཕྱི་ལོ་ ༢༠༡༤ ལོའི་འགོ་སྟོད་ནས་བཟུང་༸གོང་ས་༸སྐྱབས་མགོན་ཆེན་པོ་མཆོག་ཡུ་རོབ་དང་། ཨོ་སི་ཊོ་ལི་ཡ། དེ་བཞིན་ཨ་རི་བཅས་ཀྱི་ནང་ཆིབས་སྒྱུར་བསྐྱངས་སྐབས། རྒྱལ་སྤྱིའི་ཤུགས་ལྡན་ཚོགས་པ་ཡིན་ཞེས་ཟེར་བའི་ཆོས་ལུགས་ཕྱོགས་རིས་ཤུགས་ཆེ་ བྱེད་མཁན་གྱི་མི་སྣ་ཁག་གཅིག་གིས་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་ དང་། ངོ་རྒོལ་ཤུགས་ཆེན་པོ་བྱས་ཡོད།
རྒྱལ་སྤྱིའི་ཤུགས་ལྡན་ཚོགས་པའི་ཚོགས་མི་ཁག་གཅིག་གིས་བོད་ཀྱི་ཆོས་ཕྱོགས་ ཀྱི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་ཀྱི་སྒོ་ནས་གང་ཉིད་ ལ་ཕག་པ་དང་། ཁ་ཆེས་ནང་པ་ཡིན་མདོག་བྱེད་པ་སོགས་ཀྱི་པར་རིས་མང་པོ་ཞིག་འགྲེམས་སྤེལ་བྱས་ ཡོད་པ་མ་ཟད། ༸གོང་ས་༸སྐྱབས་མགོན་ཆེན་པོ་མཆོག་ཇར་མན་གྱི་སྲིད་དབང་སྒེར་འཛིན་པ་ཧིཊ་ལར་དང་ འདྲ་མཚུངས་ཡིན་པའི་དཔེ་མཚོན་ཡང་སྦྱར་ཡོད། (http://www.dalailama2015.uk/)
བཀའ་གདམས་གསར་མ་ཟེར་བའི་འགོ་ཁྲིད་སྐལ་བཟང་རྒྱ་མཚོའི་ལམ་སྟོན་བྱས་ཐོག་ བཀའ་གདམས་གསར་མའི་ཚོགས་མི་ཁག་གཅིག་གིས་ཨིན་ཡུལ་ནང་རྒྱལ་སྤྱིའི་ཤུགས་ལྡན་ ཚོགས་པ་ཟེར་བའི་ཚོགས་པ་ཞིག་གསར་འཛུགས་ཀྱིས་རྒྱལ་སྤྱི་ཁྱོན་ཡོངས་ནང་ཚོགས་མི་ གྲངས་ ༡༢༠༠ ཙམ་ཡོད་པ་དང་། ཨིན་ཡུལ་ནང་ཤུགས་ལྡན་ཚོགས་པའི་བསྟི་གནས་ཁག ༥༠ ཙམ་ཞིག་ཡོད་འདུག དོལ་རྒྱལ་ཚོགས་པས་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་དང་སྐུར་འདེབས་ ཀྱིས་རྔམ་སྟོན་བྱས་པ་དེ་དག་ནི་རྒྱ་ནག་གཞུང་གིས་ཆབ་སྲིད་ཀྱི་ལས་འགུལ་དང་ལག་ འབྲེལ་ཡོད་པ་དྲ་ཐག་འདི་ནས་ར་ཕྲོད་བྱུང་ཐུབ། ( http://goo.gl/IIxgIs)
ཉེ་ལམ་༸གོང་ས་༸སྐྱབས་མགོན་ཆེན་པོ་མཆོག་དབྱིན་ཡུལ་གོལ་ལོ་ཊིན་བེ་རིའི་ Glastonbury ནང་ཆིབས་སྒྱུར་བསྐྱངས་སྐབས་དོལ་རྒྱལ་རྗེས་འབྲང་པས་མངོན་གསལ་དོད་པོས་༸གོང་ས་ ༸སྐྱབས་མགོན་ཆེན་པོ་མཆོག་ལ་སྐུར་འདེབས་ཀྱི་མཚན་སྨད་ཞུས་པ་དང་། དེ་ཡང་ཁོ་པ་ཚོས་རྒྱུན་དུ་གཞན་ལ་མགོ་བསྐོར་གཏོང་ཐབས་དང་། རང་ཉིད་ཀྱི་མངོན་འདོད་བསྒྲུབ་ཕྱིར་སྐད་ཤུགས་ཆེན་པོས་ངོ་རྒོལ་དང་། བརྒྱུད་ལམ་ཁག་གི་ནང་ཁོ་པ་ཚོའི་བཤད་པའི་གནད་དོན་དེ་དག་ཚུད་དགོས་པའི་གནོན་ ཤུགས་ཀྱང་སྤྲད་ཡོད་པ་སོགས་དབྱིན་ཡུལ་གྱི་ཚགས་ཤོག The Observer ཞེས་པ་དེའི་ནང་དེ་ལྟར་འཁོད་ཡོད་པ་དྲ་ཐག་འདི་ནས་མཐོང་ཐུབ། (http://goo.gl/jGSoxC). http://goo.gl/Wf9Ge8
གནད་དོན་དེ་དག་ལ་བརྟེན་ནས་ཨིན་ཡུལ་གནས་སྡོད་བོད་རིགས་ཚོགས་པས་དོལ་རྒྱལ་ རྗེས་འབྲང་པ་དེ་ཚོས་མི་གཞན་མགོ་བོ་རྨོང་ཐབས་བྱས་པ་དང་། བཟང་སྤྱོད་དང་བརྒལ་བའི་བྱ་སྤྱོད་དེར་གཞིགས་ཏེ་བསྒྲགས་གཏམ་འདི་ཆེད་དུ་སྤེལ་ བ་ཞིག་ཡིན་འདུག །
བསྒྲགས་གཏམ་ངོ་མ་དབྱིན་ཡིག་ཐོག་ཡོད་པ་དེར་རྩ་འཛོན་ཡོང་བར་ཞུ། Statement of Tibetan Community in Britain: http://goo.gl/VwOShS
